Die Ding
Toe die Ding uiteindelik tot stilstand ruk
kom die mense saamgedrom
Om die hygende stuk yster
oor die eeue geplak, gemoer en gepleister
Slimmes, dommes, en spotters
leiers, luiaards en drosters
Elk 'n man met 'n kuur
wat voorspelbaar vinnig versuur
Want slapgat verskonings en goedkoop kwaksalwery
sal die Ding nie weer aan die gang kan kry
Maar wie het nou tyd vir 'n ordentlike overhaul?
plugs gaskets en all
so ons spoeg en plak maar weer
en spog -- ons het mos probeer!
Die Ding begin toe weer loop
meestal op ou olie, gebede en hoop
dat die Ding tog sal aanhou proes en spartel
tot ons daai laaste silwer kan verkwansel
---X---